Sa panahon ng kalamidad gaya ng bagyo at pagbaha, ang pagiging handa ay mahalaga upang maprotektahan ang ating sarili, pamilya, at komunidad. Sa pamamagitan ng Gabay sa Kahandaan ng LINKED Group, layunin naming magbigay ng mahalagang paalala upang manatiling ligtas bago, habang, at pagkatapos ng anumang sakuna.
Bago ang Kalamidad, siguraduhing updated sa balita mula sa PAGASA at LGU. Ihanda ang emergency kit o Go-Bag na naglalaman ng tubig, pagkain, gamot, flashlight, powerbank, at iba pa. I-secure ang mahahalagang dokumento sa waterproof na lalagyan.
Habang may Bagyo o Baha, manatiling nasa loob ng bahay at iwasang lumusong sa baha. Patayin ang kuryente kung may tumatagas na tubig. Makinig lamang sa opisyal na anunsyo para sa mga evacuation at relief operations.
Pagkatapos ng Kalamidad, linisin ang bahay nang maingat, iwasan ang paggamit ng kontaminadong tubig, at magpatingin agad kung may lagnat o sugat mula sa baha—maaring ito ay sintomas ng leptospirosis.
Sa oras ng paglikas, magsuot ng matibay na sapatos o bota, dalhin ang Go-Bag, at siguraduhing kumpleto ang pamilya. Huwag bumalik sa bahay hangga’t walang abiso mula sa LGU.
Ang Go-Bag ay dapat may: inuming tubig, de-latang pagkain, face mask, alcohol, pito, flashlight, dokumento, powerbank, gamot, damit at kumot.
Kung kailangan ng tulong, agad tumawag sa:
📞 911 – National Emergency Hotline
📞 143 – Philippine Red Cross
📞 (02) 8727-0000 – NDRRMC
📞 (02) 5318-2222 – MMDA
📞 (02) 8925-7284 – DSWD
Huwag matakot humingi ng tulong. Sa tulong ng Gabay sa Kahandaan, mas ligtas tayong haharap sa anumang pagsubok.
Isang paalala para sa kaligtasan mula sa LINKED Group.
To learn more about LINKED Group’s safety tips and other updates, check the link below!
https://linkedgroup.com.ph/career/
Stay informed about LINKED Group services, advisories and other updates available to all employees and security personnel by visiting our LINKED Facebook Page.
